दोधारा । कञ्चनपुरको दोधारा चाँदनीमा स्कुटर र साइकल एक आपसमा ठोकिदा २ जना घाइते भएका छन् ।
दोधारा चाँदनी नगरपालिका–५, गैरादेबी चोकमा आइतबार सु.प.प्र.०२००४ प ३४५७ नम्बरको स्कुटरले साइकलमा सवार ७६ वर्षिय खुम्लाल खत्रीलाई ठक्कर दिँदा उनि घाइते भएका छन् । सोही स्कुटरमा सवार दोधारा चाँदनी–२ का १७ वर्षिय बिशेस चन्द गम्भीर घाइते भएका हुन् ।
घाईतेहरु दुवै जनाको दोधारा चाँदनी नगर अस्पतालमा प्राथमिक उपचार पश्चात धनगढी रिफर गरिएको ईलाका प्रहरी कार्यालय दोधारा चाँदनी प्रहरी निरीक्षक ओम प्रकाश चौधरीले बताए ।
