महेन्द्रनगर । निङ्गलाशैनी बहुउद्देश्यीय सहकारी संस्था लि।को १४ औं बार्षिक साधारण सभा सम्पन्न भएको छ । सहकारी संस्थाका अध्यक्ष डम्बर दत्त भट्टको अध्यक्षतामा गरिएको कार्यक्रममा सुदूरपश्चिम प्रदेशका निवर्तमान मुख्यमन्त्री राजेन्द्र सिंह रावल प्रमुख अतिथि थिए ।
कार्यक्रममा सुदूरपश्चिम प्रदेश सभा सदस्य हिरा सार्की, सुदूरपश्चिम बिशिष्टकृत उपभोक्ता सहकारी संघ लि।का अध्यक्ष गणेश बहादुर चन्द विशिष्ट अतिथि थिए । सहकारीमा १० हजार भन्दा बढी शेयर सदस्य छन् । साधारण सभाबाट ३७ करोडको सम्पत्ति विवरणको लेखा परिक्षण प्रतिवेदन पारित गरिएको छ ।
उद्घाटन कार्यक्रममा प्रमुख अतिथि रावलले समाजवाद उन्मुख अर्थतन्त्र निर्माणमा सहकारी मुख्य अंग भएकोले यसलाई चाहिने र आवश्यक पर्ने ऐन नियम तर्जुमा गर्न प्रतिवद्धता जाहेर गरे ।
बन्द सत्रमा उत्कृष्ट बाल बचतकर्ता, उत्कृष्ट ऋण उपभोक्ता, जेष्ठ नागरिक लगायत उत्कृष्ट कर्मचारीहरुलाई सम्मान गरिएको थियो , भने सहकारीले ऋण तथा बचत बाहेक रेमिटेन्स सेवा, विमा सेवा, बिज वृद्धि, कष्टम हायरिङ्ग सेन्टर संचालनमा ल्याएको छ भने आगमी दिनमा स्कुल अफ को अपरेटिभ तथा दुग्ध खरिद तथा विक्री केन्द्र संचालनको अन्तिम तयारी रहेको कुरा कार्यकारी प्रमुख प्रेम सिंह भाटले बताए ।
आर्थिक बर्ष २०७९/८० मा सहकारी संस्थाको तरलता २२ प्रतिश रहेको, निक्षेपमा १३।७५ प्रतिसत, लगानीमा ७।५७ प्रतिसत, शेयर वृद्धिमा १७।३१ प्रतिसत, सदस्य वृद्धिमा १०।४१ प्रतिसत तथा सम्पत्तिमा ०।८१ प्रतिसतले वृद्धि भएको थियो भने चालु आर्थिक बर्ष दे सहकारीका सम्पूर्ण सदस्यहरुले दैनिक १०।– अनिवार्य रुपमा बचत गर्ने निर्णय सगै निती, कार्यक्रम तथा १ अर्ब १२ करोडको ८० लाखको अनुमानित आय व्यय समेत पारित गरि साधारण सभा सम्पन्न भएको छ ।
