दुर्घटनामा परि नायिकासहित २ को मृत्यु

धादिङ । दुर्घटनामा परि नायिकासहित २ को मृत्यु भएको छ । स्कुटर दुर्र्घटनामा नायिका महिमा सिलवालसहित दुई जनाको मृत्यु भएको हो । हिजो काठमाडौंबाट चितवन जाँदै गर्दा महिमाले चलाएको बा ९८ प ७०५८ नम्बरको स्कुटर र भैरहवाबाट काठमाडौं आउँदै गरेको लु २ ख १३५ नम्बरको बस गजुरीको चाम्बासमा आपसमा ठोक्किएको जिल्ला प्रहरी कार्यालय धादिङका प्रवक्ता डीएसपी रुपक खड्काले जानकारी दिए ।

दुर्घटनामा चितवन भरतपुर महानगरपालिका स्थायी घर भएकी २० वर्षीया महिमा र उनकी दिदी २२ वर्षीया शर्मिला सिलवाल गम्भीर घाइते भएका थिए। महिमाको गजुरी प्राथमिक स्वास्थ्य केन्द्र र शर्मिलाको काठमाडौंको वीर अस्पतालको ट्रमा सेन्टरमा उपचारको क्रममा मृत्यु भएको प्रहरीले जानकारी दिएको छ।

बस चालक पाल्पा पिपलडाँडा गाउँपालिका ६ का ४४ वर्षीय रणवीर गौतमलाई इलाका प्रहरी कार्यालय गजुरीले नियन्त्रणमा लिएको छ। महिमाले एक दर्जनभन्दा बढी चलचित्रमा अभिनय गरेकी छिन्। उनले ‘कारबाही’ बाट चलचित्र क्षेत्रमा डेब्यु गरेकी थिइन्। ‘सकस’, ‘सुब्बा साब’, ‘अप्रिल फुल’, ‘नो स्मोकिङ’, ‘दानव’, ‘एक से एक’ लगायत चलचित्रमा अभिनय गरेकी थिइन्।

पछिल्लो समय भने उनी मोडलिङमा पनि सक्रिय थिइन्। पछिल्लो दुई तीन वर्षयता भने उनको कुनै पनि चलचित्र आएको थिएन। संख्यात्मक रुपमा धेरै नै भए पनि महिमाका प्रायः फिल्म भने असफल भएका थिए।

ताजा खबर

दोधारा चाँदनीमा क्वारेन्टाईन निर्माण

दोधारा । माहाकाली नगरपालिकामा क्वारेन्टाईन निर्माण कार्य सम्पन्न गरिएको छ । माहाकाली नगरपालिकाको कोरोना...

भारत जंगल हुदै आएका नेपालीहरुलाई माहाकाली नगरपालिकाद्धारा खान र बस्न ब्यवस्था

दोधारा । कोरोना भाइरस (कोभिड १९) को प्रकोप बढ्दै गएपछि सरकारले नेपाल–भारत सिमा क्षेत्रमा...

निड्स नेपालद्धारा माहाकाली नगरपालिकालाई स्वास्थ्य सामग्री सहयोग

दोधारा । कोरोना भाइरस (कोभिड १९) को संभावित जोखिमलाई न्यूनीकरण गर्नका लागी निड्स नेपाल...

दोधारा चाँदनीमा सुरक्षाकर्मी, स्वास्थ्यकर्मी र जनप्रतिनिधीहरुलाई सेनिटाइजर वितरण

दोधारा । कोरोना भाइरस (कोभिड १९)को संभावित जोखिमलाई न्यूनीकरण गर्नका लागी सुरक्षाकर्मी, स्वास्थ्यकर्मी र...

दोधारा चाँदनीमा विदेशबाट आएका नेपालीहरु निगरानीमा, लगत संकलन सुरु

दोधारा । कोरोना भाइरसको प्रकोप बढ्दै गर्दा वैदेशिक रोजगारीमा भारत लगाएत अन्यमुलुक गएर माहाकाली...